هههه موضوع حلو .. ان شاء الله هالنواب يسوون شي زين لما يدشون المجلس .

تسلم ايدج :)  

اقـولج شـي انا خليت السياسية منذُ مبطي :)

لانها بالأخيــر تبحثين عن كبسولة بندول للصداع لتخـفيف ألم الحوار الذي يجعل التصدع في مجرى وفتحات التفكيــر ..
خلي السياسة مو قالو عرس ديمقراطي
خلينا نعيش العرس من زاويا تعجب كل طرف :) لان المحسوبية هـ اليومين تسبب مشاكل حتي بين المدونين :)

انا حالياً أعرف أنج تمرين في مفترق طرق حول تقرير المصير :)
يبا يوم 17/5 / سافري وعطي نفسج عذر في عدم التصويت بالسفرة
وهذا الحل الأمثل في نظري
لاني انا تعبت من اللي عندي بالدوانية من مرشحين ومؤيدين ومعرضين
فـ خليت الحوار لهم وصرت أتابع الشوتايم وأخر صرعات الرياضة  

اختي محاره



بنأدر @@ !! هذي قويه شوي !

شو بنا ليه عم بنسرخ !!


لووووووووووووول دشتي بدعت الصراحه

وذاك اليوم اشوف دعايه عسكر مادري شسمه الدعايه كلها صراخ !!

هذي بدايتها شلون بكون تاليها ؟!


يعطيج العافيه
بوست مضحك  

حلت أيامك أخوي the.thinker

ماورهم إلا الحجي وأنت متعشم من وراهم شيء بس كلام في كلام

وأيدك إن شاء الله خيو .. حياك دوم وكل يوم  

خيو خالد ومنو قالك أنا الي متعسره قاعد نقزرها عليهم وماده حلوه ومتداوله هلأيام

وشنو تقول ضحكتني وأنا أختك وأنا مالي خلق ماطاح إلا انبطح رايح تشوف الرياضه عسى بس رياضتنا !!! إذا الرياضة الأوربية عليك بالعافيه وتزين تسوي ولو أن لما نشوف على طول فلم فيصل الدخيل وجاسم يعقوب يبلش العرض وتبلش اللوعه بقذل ربعنا وحلاوة سبورتاتهم ومناظرهم :)

قبل شحليلي تفاؤليه الحين لا والله غيمت الدنيا بس عادي أجندس وامشي مكمله دربي شبيدنا بنأدر نعيش لازم نكفي العمه رولا تقول جذي :)

وكمبيوتري ادعيله وأنا أخيتك يطلبك الحل يصارع الموت بأخر أنفاسه ياهو معور قلبي أكثر من السياسه تهقى مرشحينا فيهم قوة يسترجعون الي فيه قبل ماينتحر !!!!  

هلا وغلى أخيتي شلالات اي موقتلج عسكر عباله الدنيا عسكر وجيش داش حامي مايدري أن الناس كرهت لصراخ حتى مسلم البراك هدي وقام يهمس :)

وعسى الضحكه ماتفارقج من دون شر وحياج دوم وكل يوم  

شئ جميل عطيني هالفلوس وانا انزل مكانه :))  

تأبريني على هالبوست المرتب

وشو عليه

ايه بنأدر
لكااااان

:)))

خذ وخل يا محاره
خذ وخل

:**  

أخوي مشاري عذرا ماهمت قصدك عدل!!!

أنت تقصد هيثم الشايع ؟؟ أنا قصدت أنه استخدم حلاله بالتسويق له وهذا حقه بس برأيي دعايته أقوى من فكره وتواجده السياسي

مع كل احترامي له سمعته أكثر من مره ما أقنعني نهائيا !! له بالتجاره أكيد بس السياسه لها أهلها وبوجهة نظري أهوه ممكن يتابع لكن لا يمكن يقيود سياسياً

وحياك أخوي  

هلا غلى بأخيتي أبر عدونيك خيتو ولو :)

حياج دوم وكل يوم  

بالنسبة لهيثم

فهو خوش ولد بس يبيلة درب طويل للمجلس وتو الناس علية وفعلا وين صوتة قبل الانتخابات ما سمعناة


اما رولا

بغض النظر عن لهجتها

ولكنها أمراة حالمة وتتكلم دون معرفة الواقع

وبنادر وبنادر حبيبتي ادري على لبنان وحزب اللة ربعج تالي تعالي ادري علينا بالكويت  

يمكن يطلع منه الأخ هيثم بس برأيي مثل ماتفضلت أخوي حسافتج ياكويت يبيله درب تو الناس ماسمعنه عنه من قبل وحتى فكره وطرحه بسيط وخفيف برأيي الريال ينجح بالتجاره بس السياسه مو لعبته

أما رولا أنت كفيت ووفيت وحسافه طافني برنامج أمه 2008 اليوم على أنهم دائرتي إن شاء الله أقدر اشوفهم باجر

ومرسي على تواصلك خيو على قولت مرشحتنا الاستازة رولا دشتي