فضيــحة
٢٠٠٧-٠٧-٢٣

لم أستغرب ما قرأت فالطمع يكبر ويتضخم مع كل دينار يصب بحساب ابن آدم إذا مات الضمير والخوف من رب العباد .. فضيحة ليست بجديدة لكنها ضمن مسلسل المكسيكي البواوقه بالكويت.. بالمختصر

هيئة الصناعة الكويتية توقع عقد مع شركة المخازن لبناء قسائم لشباب الكويتي الطامح بتعديل وضعه


ومن خلف هذا العقد تقوم شركة المخازن بتوقيع عقد أخر لشركة الخرافي بالتأجير 40% من مساحة الأراضي لمدة عشر سنوات لحسابها


علماً بأن العقد الأول مابين هيئة الصناعة والمخازن يشير إلا أن أي إخلال بشروط العقد من المدة وغيره من الشروط سيتم إلغاء العقد ما بينهم

يعني الشباب الكويتي ينطر القسائم وحلمه ينتهي لما مجموعة الخرافي الجشعة على أموال البسيطين ينتهون من مسلسلهم


وكل ما حدث على مرأى ومسمع الحكومة وأبطن رئيس المجلس وأخوانه !!! ولله درك يا كويت بتجارج


posted by محـــــارة at ٥:٠٤ ص | Permalink |


6 Comments:


  • At ٢٣‏/٧‏/٢٠٠٧، ١:١٩ م, Blogger Unknown

    هذا حالنا صار كلمة تضبيط صارنا بقاموسنا عادية وحلوة وخفيفة زي العسل

    واصلا اذا قلت يبه ما ابى اسوى حق الناس ضد القانون اوصفوك بالرجعية وعدم عمل المعروف وووووو
    بلد تعور يا محارة ولا اتحجى ما اخلص  
  • At ٢٣‏/٧‏/٢٠٠٧، ١:٢٠ م, Blogger عثماني

    مساج الله بالخير اخيتي محارة

    السؤال... احنا متى بنتعدل؟؟ هالديرة الى متى و هي ماشية بالمنكوس؟؟ الحرمنة الى متى؟؟؟ لما تنشف الديرة؟؟

    ملييييييت  
  • At ٢٣‏/٧‏/٢٠٠٧، ٤:٢٥ م, Blogger محـــــارة

    شفت ياخوي مشاري .. وربي قبل أتابع كل صغيره وكبيره تحصل بالديره وكنت دائما أتفائل بي يوم ونتعدل

    صار لي مده وأنا أختك أسوي روحي ماشفت مابي تلوع جبدي أكثر من جذي

    يخرب بيتهم متى يتعدلون ويخافون من ربهم مادري ؟؟؟!! والله ياجر الي يحب لكويت من قلبه  
  • At ٢٣‏/٧‏/٢٠٠٧، ٤:٢٦ م, Blogger محـــــارة

    مساك الله بالنور والسعاده اخوي عثماني .. مادري وأنا أختك والله مادري وهذا الي ذابحني

    الكويتيين فيهم منهم يعشق هالديره بينون ويبيع عمره وتصير جنه وغالبيتهم للأسف يحبها بس بالحجي والغناوي

    والله يعينا ويعين هالأرض على كثر ماتعطي من الخير إلا أن البواقين مو راضين يشبعون  
  • At ٢٥‏/٧‏/٢٠٠٧، ١٢:٤٧ م, Blogger Shather

    البووق صاير مهنه شريفه هالايام ..

    المشكله اللي يبوق مو الفقاره .. اللي يبوق اكبرها و اسمنها =[


    شي يحرق الدم  
  • At ٢٥‏/٧‏/٢٠٠٧، ١٠:٠٥ م, Blogger محـــــارة

    خليهم يبوقون أكثر ناس أطول وقفتهم عند السؤال أهما التجار بيوم الحساب

    خلي ينفعهم هالملايين الي مو راضين يشبعون ولا يصرفونها بعزتهم وعزة دينهم وديرتهم

    عساهم مايتهنون بفلوس الديره